प्रा. अभि सुवेदी
हिजोआज काठमाडौंमा हाम्रा नाट्य थेटरहरूमा अनेकौं शैलीमा लेख्ने कविहरूले कविता पाठ गर्ने चलन बसेको छ । गुरुकुल कालदेखि नै बसेको हो, यो चलन । काठमाडौंका केही रङ्गमञ्चहरूले आफ्ना मासिक क्यालेन्डरमा नै कविता पाठको तिथि तोकेका हुन्छन् । यस अर्थमा म यस चलनलाई कविता प्रस्तुतिको नाट्यचरित्रको खोजीको रूपमा हेर्छु । मञ्चमा पढिनुले स्थान र प्रस्तुतिको सम्बन्ध देखाउँछ ।
धरानका
छाताचोक, भोटेपुल, भानुचोक, दन्तकाली, बूढासुब्बा छिचोल्दै समग्र नेपाली
समाजको सामाजिक तथा राजनीतिक क्षेत्रमा विद्यमान विकृति र अव्यवस्था
चिहाउने आँखीझ्याल हो, टापुका स्वरहरू । पैरवी प्रकाशनले बजारमा ल्याएको
सीमा आभासका कथाहरूले आजको मान्छेको कुरा गर्छन् । बेलाबेला धरानको
स्थानीयतामा डुबे पनि त्यहाँबाट निस्केर माओवादी र सेनाको बर्बरतालाई पनि
हृदयस्पर्शी रूपमा छुन पुगेको छ पुस्तक ।